Mshambuliaji wa timu ya Yanga Obey Chirwa amekosa penati ya mwisho dhidi ya timu ya URA ya Uganda na kuing'o Yanga katika michuano ya Kombe la Mapinduzi.
Mshambuliaji huyo amekosa penati hiyo ikiwa ndiyo siku yake ya kwanza kujiunga na kikosi cha Yanga na kucheza katika michuano ya Kombe la Mapinduzi.
URA ya Uganda imeitoa Yanga kwa mikwaju 5-4 na kufanikiwa kutinga fainali ya Kombe la Mapunduzi.
Ushindi huo wa URA umefanya historia ya mwaka 2016 kujirudia ambapo URA iliing’oa tena Yanga katika hatua hiyo kwa mikwaju ya penalti.
Hata hivyo Chirwa alikuwa amegoma kujiunga na Yanga akitaka alipwe fedha zake za usajili. Lakini leo ameungana na kikosi hicho akitokea Dar es Salaam.
Ikiwa ndiyo siku ya kwanza amejiunga na Yanga Chirwa alitokea benchi kuchukua nafasi ya Pius Buswita na dakika 90 zikaisha kwa sare ya bila mabao, ikaingia mikwaju ya penalti.
Chirwa ndiye alikuwa wa mwisho upande wa Yanga baada ya Papy Tshishimbi, Hassan Kessy, Raphael Daud na Gadiel Michael kupata mikwaju 4.
No comments:
Write comments