WaterAid kutekeleza Mradi wa Maji kata za Lemanyata,Olkokola na Oltrumet

Shirika la kimataifa la WaterAid Tanzania kwa kushirikiana na Shirika la Maendeleo la Uingereza- DFID linategemea kuanza ujenzi wa mradi wa maji katika za Lemanyata, Oltrumet na Olkokola halmashauri ya Arusha.

Katika kata hizo mradi huo unaokadiriwa kutumia zaidi ya shilingo bilionni 4 fedha za kitanzania unategemea kuwanufaisha wananchi wa vijiji vya Olkokola na Lengijave pamoja na Vitongoji vya Seuri, Ekenywa na Ngaramtoni.

Katika hatua za awali za utekelezaji wa mradi huo, Mkurugenzi wa Shirika la WaterAid Tanzania Dk. Ibrahim Kabole ameongoza timu ya wataalam wa maji kutembelea eneo utakapotekelezwa mradi huo pamoja na kuzungumza na viongozi wawakilishi wa wananchi katika kata hizo mbili na hatimaye kufanya mazungumzo na uongozi wa halmashauri.

 

Dk. Kabole ameelezea kuwa mradi huo utakuwa ni mradi wa tofauti na miradi mingine iliyowahi kufanyika kwa kuwa utatumia teknojia ya kisasa ya kuwahudumia wateja wa maji kwa kuwasajili kwenye kwenye mfumo wa kielekroniki ambao utawawezesha kulipia maji kabla ya kutumia yaani ‘pre-paid’  mfumo ambao utasimamiwa na  shirika la e-water.

Utofauti mwingi ni kuwa, mradi huu wa maji unategemea kuwa ni mradi endelevu na shirikishi kwa wananachi wenyewe watakaonufaika na zaidi utakaojumuisha wataalamu wa fani mbalimbali kutoka serikalini na mashirika yasiyo ya kiserikali.

 Aidha Dk. Kabole ameuomba uongozi wa halamshauri ya Arusha kutoa ushirikiano wa karibu wakati wa utekelezaji wa mradi huo ili uweze kufanyika na kumalizika kwa wakati kwa kuwa wananchi wa eneo hilo wanakabiliwa na changamoto kubwa ya ukosefu wa maji safi na salama kutokana na eneo hilo kuwa kame na maji kuwa na kiasi kikubwa cha madini ya Floraidi.

“Tunakwenda kuanza ujenzi wa maradi wa maji, ili uende kwa haraka na kumalizika kwa wakati ninawaomba viongozi wote wa serikali na siasa katika halmashauri kuwaeleimisha wananchi kuwa mradi huu ni wao na hivyo wanantakiwa kutoa ushirikiano kwa wataalamu wote watakao husika katika utekelezaji wa mradi jhuu” amesisitiza Mkurugenzi huyo.

Naye Kaimu Katibu Tawala wa mkoa wa Arusha Mhandisi Joseph Makaidi  amelishukuru shirika la WaterAid na kuahidi kufanya kazi kwa  ushirikiano kila mmoja kwa umuhimu wake na kuwapongeza kwa kuwa wanatekeleza sera ya serikali ambayo inalenga ifikapo mwaka 2020 asilimia 85% ya wananchi waishio vijijini kupata maji safi na salama.

“Shirika linatekeleza mpango wa serikali hivyo sisi kama serikali hatuna budi kuwapa support inayohitajika na kuhakikisha mazingiora salama wakati wote wa uteklelezaji wa mradi mpaka kukamilika kwake” alisema Mhandisi Makaidi.

Hata hivyo Mwenyekiti wa halmashauri ya Arusha Mhe. Noah Lembris ameahidi kutoa ushirikiano wa karibu kwa shirika hilo na wadau wote wakati wote wa utekelezaji wa mradi huo ili uweze kumalizika kwa wakati kwa faida ya wananchi wa maeneo hayo ambao wanakabiliwa na changamoto kubwa ya upatikanaji wa maji safi na salama.